मन

By -


मन तरलते हळुवार
त्या एका झोक्यासवे
अलगद-अवचित
त्या मंद वाऱ्यासवे

कधी धुंद, मग्न अंतरी
कधी निर्भीड, शांत स्वच्छंदी
कधी घालमेल टोकाची
कधी फुगते, रुसते स्वतःशी

मन खुणावते हलकेच
त्या दूर नभाच्या गोष्टी
वास्तवाची जाणीव होताच
मधेच होते कष्टी

ती दुरदूरची स्वप्ने
मनाच्या वाटेवरची
नवी उमेद मज देती
लढण्याची, जगण्याची


- गौरी अजय चिंदरकर.
16/05/2016

Comments

Post a Comment

Popular posts from this blog

दिल है छोटा सा, छोटी सी आशा !

By -
Image
दिल है छोटा सा, छोटी सी आशा मस्ती भरे मन की, भोली सी आशा चाँद तारों को, छूने की आशा आसमानों में उड़ने की आशा... कुठेही हे गाणं कानावर पडलं किंवा सहज कधीतरी आठवलं तरी मन एकाच ठिकाणी जाऊन पोहोचतं ते म्हणजे पुण्याच्या गोसावी वस्ती मधलं समिधा सेंटर! गेल्या वर्षी 'The Granny Cloud' ला १० वर्ष पूर्ण झाली त्या निमित्ताने पुण्यात सुनीता मावशींच्या घरी एक छोटंसं get together केलं. डॉ. शाहरुख हैदराबाद वरून आला होता, जिऊ पुण्यातचं होती आणि मी मुंबईवरून गेलेले, योगायोगाने Liz सुद्धा काही कारणाने भारतात आलेली. आम्ही सगळ्यांनी मिळून समिधा सेंटरमधल्या Granny Cloud सेंटर ला भेट दिली. पुण्यासारख्या अर्बन शहरातला गोसावी वस्ती म्हणजे झोपडपट्टीचा परिसर. पण त्याच परिसरात एका दहा बाय दहा च्या खोलीत Granny Cloud चं सेंटर चालवलं जात होतं.  माझ्यासाठी SOLE आणि The Granny Cloud म्हणजे जिव्हाळ्याची गोष्ट! पण मी अनुभवलेलं Granny Cloud म्हणजे एक स्वतंत्र इमारत, काचेच्या भिंती, त्यात लहान मुलांना आकर्षित करेल असं रंगीबेरंगी फर्निचर, खूप सारे कम्प्युटर्स आणि तेही इंटरनेट connection असलेले. (आता जरी इंटरनेट co...
Read more

रिहर्सल डायरीज #4 'बूज'च्या निमित्ताने…

By -
Image
प्रत्येक गोष्टीची एक प्रक्रिया असते आणि हीच प्रक्रिया माणूस म्हणून समृद्ध करत असते . खरंतर एखादी गोष्ट आपण करतोय तर त्याच output हे महत्त्वाचं असतंच पण त्याहीपेक्षा त्या output पर्यंत पोहोचण्याची क्रिया - प्रकिया सुद्धा खूप महत्त्वाची असते . ह्याच महिन्यात ' मित्र , शिरगाव ' ची ' बूज ' नावाची नाट्यकृती तयार झाली आणि पुणे , कणकवली अशा ठिकाणी प्रयोगसुद्धा झाले . ' बूज ' च्या निमित्ताने खूप वेगवेगळ्या गोष्टी अनुभवल्या त्याचाच हा थोडक्यात केलेला लेखाजोखा . एक दिवस अण्णा दादाचा फोन आला , खुल्या गटासाठी एकांकिका बसवायची आहे तूला यायला जमेल का ? आणि इथूनच माझा आणि बूज चा प्रवास सुरु झाला . मित्र शिरगाव म्हणजे माझं दुसरं कुटुंब . अगदी लहानपणापासून म्हणजे मला समजतही नव्हतं अशा वयात असतानापासून मित्र , शिरगाव मधली प्रत्येक व्यक्ती तितकीच जवळची आणि आपुलकीची ! मग काय एकदा एकांकिका बसवायची ठरली आणि मग रिहर्सलला सुरुवात झाली . रोज संध्याकाळी डॉ . का...
Read more

रेषा

By -
Image
हाती एक कागद कोरा त्यावर एक रेषा कधी इथे तर कधी तिथे वळवळणारी ! माहित नाही तिला शांतता अधीरतेने नुसती धावणारी रिकामी जागा शोधत फक्त उमटणारी! कधी नव्हे ती जरा पहुडली आजूबाजूला पाहू लागली निशब्दता एका क्षणी स्वतःच्याच गुंत्यात अडकलेली! कुठे घट्ट गाठ, कुठे स्वतःच अडवलेली वाट, कुठे उगाच घुसखोरी, एव्हढं करूनही पाटी मात्र कोरी! ऐक जरा, क्षणभर थांब जरा, वेग तुझा आवर जरा! थबकलीस? हरकत नाही. थांबव आता गुदमरणं स्वतःच्याच कोड्यात दोन पावलं टाक जरा माघारी नको उगाच जिंकण्याची घाई! संयमाने चाल पुन्हा तुझा तोच रस्ता पण आता नव्या ध्येयवेडाने अनुभवांच्या शिदोरीने! पुन्हा एक कागद कोरा पुन्हा त्यावर एक रेषा मुक्तपणे विहरणारी सांगे जगा गोष्ट न्यारी! -गौरी अजय चिंदरकर 11/03/2019 P.S. Inspired by Project Semicolon. (To know more about Project Semicolon visit: https://projectsemicolon.com/ )
Read more